Shi, diell, ftohtë. Kjo është panorama që do të na ofrohet në dy ditët e fundit të kësaj jave.Sipas shërbimit Meteoalb, moti do të vijojë të jetë e paqëndrueshëm. Dita e shtunë do të jetë me kthjellime dhe vranësira në pjesën më të madhe të vendit, vranësirat më të dendura do të jenë në zonat malore. Moti do të jetë pa reshje edhe paraditen e së dielës, ndërsa pasdite do të ketë rrikthim të rreshjeve të shiut në gjithë territorin. Më shqetësuese mbeten temperaturat, të cilat kanë rënë me 6 gradë të shtunën ndërsa të dielën pritet rritje e tyre. Edhe java që presim sipas metereologëve do të jetë me vranësira dhe shira të dobët, ndërsa temperaturat do të vijojnë të rriten. Era do të jetë mesatare në tokë dhe deri e fortë në det, me shpejtësi 55 km/h dhe me drejtim kryesisht Jugperëndimor dhe për pasojë dallgëzimi në det do të jetë deri 4 – 5 ballë.
